جوزى ضړبني
الفصل الثاني
محستش
بالدنيا وراح النور من عيني ومبقتش شايفه غير طشاش
وفوقت وانا ف المستشفي مش قادره اتحرك وحاجه متعلقه ف ايدي متقلاها
وكانت عيني مزغلله
ابتديت افتح واحده واحده وانا ھموت من التعب
متعلق ف أيدي كالونة
حاولت اقوم اقعد واسند ضهري
كان في كرسي ف الاوضه بصيت عليه لقيت كريم نايم
صعب عليا بس خلاص اللي يصعب عليك يفقرك
ودخلت ممرضه
واول مابصتلي ابتسمت وقالت
اخبارك أي النهارده شكلك أحسن
اه الحمد لله كويسه
ياااه وكنتي خلاص بتخلصي ومحتاجه نقل ډم
الأستاذ ده لحد دلوقتي واخدين منو كيسين ډم
ومش راضي ياكل ولا يشرب ولا يتحرك من مكانه
هو ممشيش بقاله اد اي
تلت تيام وهو قاعد بره مبيتحركش من مكانه وصعب علينا والله
امممم ممكن تصحيه
راحت ناحيته
يا أستاذ يا أستاذ
قام اتنفض وهو بيبص عليا
وبص للممرضه وهو مڤزوع
قالت
اهدي يا أستاذ معلش فزعتك
المدام فاقت اهي
هز راسه وهو بيبصلي
وحد نده عليها
فقالت
هخرج ثواني وراجعه
وخرجت الممرضه
قام وقرب مني وهو باين عليه حزين وعلي وشه الأسي
وجه وقعد جمبي علي طرف السرير وبيمد أيدو يمسك أيدي وهو بيقول
حمدالله ع السلامه
سحبت أيدي بسرعه وبصيت الناحيه التانيه
قال بصوت مبحوح
انا عارف انك زعلانه وحقك بس خلينا نخرج من المستشفي انا مش متحمل وجودك هنا وانك پتتألمي
بصتله والدموع ف عيني وبصوت قوي قولت
انا هنا بسببك ومش هنسي ابدا اللي عملتو فيا ولا حتي بعد سنين
فبلاش النظره اللي ف عنيك دي ووفر كلامك
ارجوكي يا غرام
ارجوك انت اتفضل مش عاوزه اشوفك
اتفضل اخرج يلا
فضل باصص وساكت
اخرج بقولك
وقام وخرج من الأوضه
وفضل واقف برا
وانا خلصت كيس الډم وعملولي تحاليل بس كنت لسه تعبانه فقالو مش هيخرجوني دلوقتي
وف نفس اليوم جه عمي وباسم وسعد وضحي
بس صباح مجتش معاهم
دخل عمي وكان علي وشه نظرة لهفه
الف سلامه عليكي يا غرام يا بنتي انشالله اللي يكرهك
ينقطع ايدو اللي عمل فيكي كده
للمتابعة اضغط على الصفحة التالية »
